الثقة بالنفس شي حاجة مهمة بزااف فالحياة بلا بيها غايصعاب علينا بزاف ديال الحوايج و فقدانها يقدر يتسبب في فشلنا و ضياعنا لبزاف ديال الفرص لي ممكن تزيد بينا القدام و توصلنا لأهدافنا.
شخصيا كانشوف أن احسن طريقة تقدر تزيد بيها الثقة بالنفس هي تكون عندك واحد العلاقة زوينة مع راسك و مقدر ذاتك و تحدف كاااع الافكار السلبية لي واخد على راسك ...
فنظرك شخص في صراع مع ذاتو واش غاتكون عندو ثقة بالنفس ؟؟ بالطبع لا الثقة بالنفس كاتعني انك كاتيق فراسك كتآمن بذاتك واخا يكون العالم كامل ضدك ! و أيظا من الحوايج لي غايزيدوك ثقة بنفسك هو تحقق انجازات فحياتك كيفما بغات تكون واخا تكون غير صغيرة تحقق حوايج لي غايخليوك تفتخر بنفسك تحس بأنك درتي شي حاجة و كلما حققتي حوايج جداد كلما تقتك بنفسك غاتزاد ..
و نصيحة اخرى الى بغيتي فعلا تزيد ثقتك بنفسك خاص تكون عندك الجرأة تجاوز المخاوف ديالك و أي حاجة كاتخوفك تجرأ و ديريها (هذا فحد داتو انجاز) .. و ديما خرج من منطقة الراحة ديالك بمعنى هادوك الحوايج لي كاتحس فيهم أنك مضطرب نفسيا و مامرتاحش هوما لي دير حيت هوما الحوايج لي خاصك طور فراسك كيجيك فيهم الخوف اذن خصك الخدمة باش يوليو بجيوك عادي، الى كنتي دائما كاتبحت غير على المواقف ولا اللحظات ولا الاماكن ... لي كاتحس فيهم بالراحة ديالك غاتبقا دائما فنفس النيفو إذن الى جاتك شي فرصة باش ديباسي راسك ماضيعهاش.
نعطك شي حوايج لي تقدر ديرهم في حياتك اليومية لي غايساعدوك باش تزيد تقتك بنفسك :
- مثلا تكون غادي فطريق يبان لك شي شخص ولا مثلا دخل لشي محل و تسول على الساعة ولا على شي بلاصة ولا تناقش شي موضوع مع شي واحد ماكاتعرفوش .. بهاذ الطريقة غاتكسر داك الخوف من الاخر الخوف من شخص غريب علك.
- كيف قلت قبل دير الحوايج لي كيتخاف ديريهم و ماكاتحسش براحتك مني ديرهم ناخدو كمثال كاتخاف تشارك في القسم و ماكاتقدرش تلقي عروض ولا مثلا ماكاتقدريش تمشي لشي بلاصة بوحدك إلا الى كان معاك شي حد .. يعني شي حوايج كيخوفوك نت عارفاهم .. بحال هاذ الحوايج تجرأ وديريهم واخا تموت من الخوف و هاذي من احسن الطرق باش طور ذاتك و تزيد ثقتك بنفسك
- بدا تقراي كتب على تطوير الذات غايغيرو لك نظرتك للحياة و غايحلو عينيك على بزاف ديال الحوايج و الى كنتي من النوع لي ماكيقراش اليوتوب هو الحل فيه أي حاجة بغيتيها ماتبحتش غير على التفاهة قلب على الحوايج لي يطورو شخصيتك.
- حط أهداف فحياتك و تكون عندك نظرة واضحة للمستقبل ديالك.
- بعد من الاشخاص لي كيقللو منك و الاشخاص السلبيين حيت كايكون عندهم تأثير كبير علك.
- حتى الوضع ديال الجسد مهم بزاف و كيذل على شخصية الاخر .. مثلا مني تكون كاتمشا ماتخليش ظهرك عوج راسك مايل لتحت و حتى مني تهدر مع شي حد شوف ليه في عينيه
- قدر ذاتك قدر ذاتك قدر ذاااااااتك هاذي أهم حاجة .. حس بقيمة راسك حب راسك محي كاع الافكار السلبية لي واخد على راسك .. صعيب تكون واحد الثقة بالنفس الى ماكانوش هاذ الحوايج لهذا هاذي اول حاجة بدا بيها الى فعلا بغيتي تزيد تقتك بنفسك.
نعطك شي حوايج لي تقدر ديرهم في حياتك اليومية لي غايساعدوك باش تزيد تقتك بنفسك :
- مثلا تكون غادي فطريق يبان لك شي شخص ولا مثلا دخل لشي محل و تسول على الساعة ولا على شي بلاصة ولا تناقش شي موضوع مع شي واحد ماكاتعرفوش .. بهاذ الطريقة غاتكسر داك الخوف من الاخر الخوف من شخص غريب علك.
- كيف قلت قبل دير الحوايج لي كيتخاف ديريهم و ماكاتحسش براحتك مني ديرهم ناخدو كمثال كاتخاف تشارك في القسم و ماكاتقدرش تلقي عروض ولا مثلا ماكاتقدريش تمشي لشي بلاصة بوحدك إلا الى كان معاك شي حد .. يعني شي حوايج كيخوفوك نت عارفاهم .. بحال هاذ الحوايج تجرأ وديريهم واخا تموت من الخوف و هاذي من احسن الطرق باش طور ذاتك و تزيد ثقتك بنفسك
- بدا تقراي كتب على تطوير الذات غايغيرو لك نظرتك للحياة و غايحلو عينيك على بزاف ديال الحوايج و الى كنتي من النوع لي ماكيقراش اليوتوب هو الحل فيه أي حاجة بغيتيها ماتبحتش غير على التفاهة قلب على الحوايج لي يطورو شخصيتك.
- حط أهداف فحياتك و تكون عندك نظرة واضحة للمستقبل ديالك.
- بعد من الاشخاص لي كيقللو منك و الاشخاص السلبيين حيت كايكون عندهم تأثير كبير علك.
- حتى الوضع ديال الجسد مهم بزاف و كيذل على شخصية الاخر .. مثلا مني تكون كاتمشا ماتخليش ظهرك عوج راسك مايل لتحت و حتى مني تهدر مع شي حد شوف ليه في عينيه
- قدر ذاتك قدر ذاتك قدر ذاااااااتك هاذي أهم حاجة .. حس بقيمة راسك حب راسك محي كاع الافكار السلبية لي واخد على راسك .. صعيب تكون واحد الثقة بالنفس الى ماكانوش هاذ الحوايج لهذا هاذي اول حاجة بدا بيها الى فعلا بغيتي تزيد تقتك بنفسك.
كيفاش تزيد تقتك بنفسك و تحطم الخوف لي كايواجهك فحياتك
Reviewed by liberTa
on
مارس 01, 2019
Rating:
Reviewed by liberTa
on
مارس 01, 2019
Rating:
ليست هناك تعليقات: